Policia: Brenda ditës 82 aksidente trafiku, 2 me fatalitet, shqiptohen 2 mijë e 493 gjoba trafiku

Policia e Kosovës ka shqiptuar 2 mijë e 493 tiketa trafiku për drejtues automjetesh, për shkelje të rregullave në komunikacion.

Kështu bëhet e ditur në raportin 24 orësh të Policisë së Kosovës, transmeton Portali 2LONLINE.com.

Ndërsa, brenda kësaj periudhe kohore janë shkaktuar 82 aksidente trafiku, prej të cilave, 2 me fatalitet, 24 me të lënduar dhe 56 aksidente me dëme materiale, por pa të lënduar.

Janë arrestuar 28 persona, 17 prej tyre janë dërguar në mbajtje dhe 2 në vuajtje të dënimit. /2LONLINE/

AKSIDENT TRAFIKU ME FATALITET

Kllokot  22.08.2025 – 16:15. Është arrestuar i dyshuari mashkull kosovar, pasi i njëjti derisa ishte duke drejtuar veturën, dyshohet nga pakujdesia ka shkaktuar aksidentin duke goditur viktimën mashkull kosovar-këmbësor, i cili ishte duke kaluar rrugën. Si pasojë viktima ka pësuar lëndime dhe është dërguar në QE-Gjilan, por për shkak të lëndimeve ka ndërruar jetë. Me vendim të prokurorit, trupi i pajetë i viktimës është dërguar në IML për obduksion, ndërsa i dyshuari është dërguar në mbajtje. 

AKSIDENT TRAFIKU ME FATALITET

Rr. Konferenca e Bujanit, Pejë  22.08.2025 – 05:15. Ka ndodhë aksident trafiku i përfshirë vetëm një automjet me ngasës mashkull kosovar, i cili si pasojë e lëndimeve të rënda ka ndërruar jetë. Me vendim të prokurorit trupi i pajetë është dërguar në IML për obduksion.