Poezia e Shqipe Hasanit fituese e çmimit kryesor të Orës së madhe letrare “Flakadani i Karadakut”
Në kuadër të Manifestimi tradicional mbarëkombëtar kulturor e sportiv “Flakadani i Karadakut 2024”, në Viti është mbajtur ora e madhe letrare, në të cilën kanë marrë pjesë krijues, poetë e shkrimtarë nga hapësirat mbarë shqiptare. Fadil Abazi, kryetar i shoqatës së shkrimtarëve dhe krijuesve “Ramadan Musliu” në Viti, e shpalli të hapur këtë orë letrare, duke bërë të ditur se është publikuar edhe revista letrare me poezitë e këtij edicioni.
Ndërkaq zëvendëryetari i komunës së Vitisë, Hasan Aliu tha se Vitia është vend i bekuar i kulturës dhe arsimit shqip duke përmendur dy shkollat e para shqipe në këtë komunë.
Kurse, Valmir Sahiti, drejtor i DKRS-së në Viti, falënderoi shoqatën ” Ramadan Musliu”, krijuesin Ismajl Baftjari dhe gjithë artistët dhe të gjithë të tjerët për organizimin e vazhdueshme të orës së madhe letrare në Viti deri në këtë edicion të 23-të.
Juria profesionale në përbërje Sabit Rrustemi, Zyrafete Shala dhe Merxhan Avdyli, çmimin kryesor të Orës letrare ia ndan Shqipe Hasanit për poezinë “Shpirt me ëndërr atdheu”, dedikuar dëshmorit Njazi Azemi-Komandant Mjekrra. Ndërsa vendin e parë ia ndanë poetit Nexhat Rexhës, vendi i dytë Farida Ramadanit dhe vendi i tretë Bilall Maliqi.
Mirënjohjet për pjesëmarrësit dhe çmimet janë ndarë nga drejtori i Drejtorisë së Kulturës, Rinisë dhe Sportit, Valmir Sahiti, Ramush Azemi, babai i dëshmorit Nijazi Azemi – komandat Mjekra si dhe zëvendëskryetari i komunës së Vitisë Hasan Aliu. /2LONLINE/