Po zhvillohen punimet për ndërtimin e trotuarit në lagjen Zuka në Pozharan

Kryetari i Komunës së Vitisë, Sokol Haliti, ka vizituar sot Pozharanin për të parë nga afër punimet që po zhvillohen në ndërtimin e trotuarit në lagjen Zuka.

Drejtuesit e komunës thanë se punimet në këtë projekt infrastrukturor u mirëpritën nga banorët e këtij lokaliteti pasi që theksuan se ajo do të mundësojë qarkullimin më të lirë dhe të sigurt të banorëve.

I pranishëm ishte edhe koordinator i lokalitetit, Ilir Zuka, i cili theksoi bashkëpunimin e mirë midis komunës dhe komunitetit lokal.

Përndryshe, kryetari Haliti tha se komuna e Vitisë vazhdon të punojë me përkushtim për zhvillimin e qëndrueshëm dhe përmirësimin e infrastrukturës në të gjitha lokalitetet e kësaj komune. /2LONLINE/