Po vazhdojnë aktivitetet e Komunës së Gjilanit kuadër të Javës së Europës

/2L ONLINE/ – Komuna e Gjilanit po vazhdon me aktivitetet e pandërprera në kundër të Javës së Europës, e filluar ditë më parë. Sot, është mbajtur ligjëratë me temën “Senzibilizimi i opinionit publik me vlerat kulturore të Këshillit të Evropës” me nxënësit e shkollave të mesme, nën organizimin e Asociacionit “Kosova- Ansambël” nga Franca, me ligjërues Ilir Mustafën dhe në bashkëpunim me Zyrën për Integrime Evropiane.

Zyrtari për Integrime Evropiane në Komunën e Gjilanit, Burim Elezi, ka thënë se nga kjo ligjëratë nxënësit kanë mundësinë që të mësojnë më shumë për Këshillin e Europës, historikun, institucionet, funksionimin etj.

Ligjëruesi Ilir Mustafa, i cili është veprimtar i palodhur i çështjes kombëtare dhe i cili jeton dhe vepron në Strasburg, tha se kjo ligjëratë ka për qëllim që të sensibilizohet opinioni publik me vlerat kulturore të Këshillit Europian, ku nxënësit do të mësojnë më shumë edhe për tema tjera.

Nxënësit e shkollave të mesme, ndër të cilat, Flutura Ajvazaj, Alba Berisha, Besiana Shkodra etj., patën shumë pyetje interesante, nga të cilat morën përgjigje, duke fituar njohuri të reja lidhur me Këshillin e Europës dhe institucionet e saj.

Java e Europës vazhdon me aktivitetin e nesërm, ku një ligjëratë tjetër do të mbahet me shërbyesit civil të Komunës së Gjilanit në ora 13:00./2L ONLINE/