Po rinovohen zyrat e administratës, sigurohet qasje për personat me aftësi të kufizuara

Në vazhdën e përmirësimit të shërbimeve të administratës komunale në Gjilan, po vazhdon edhe rinovimi i infrastrukturës në objekte, sidomos për personat me aftësi të kufizuara, thuhet ne njoftimin e komunës.

“173,599.05 euro është vlera e rinovimit në hapësirat e Administratës së komunës sonë”, ka thënë kryetari i Komunës së Gjilanit, Alban Hyseni.

I pari i Gjilanit, tregoi se ky projekt financohet nga Bashkimi Evropian dhe do të sigurojë qasje për personat me aftësi të kufizuar, rregullim të nyjeve sanitare, vendosjen e ashensorit etj.

“Për qasje të lehtë e të sigurtë për gjithpërfshirje, për shërbime të shpejta e cilësore” tha kryetari Hyseni. /2LONLINE/