Po punohet për hartimin e strategjisë për komunikim dhe informim

/2L ONLINE/ – Nën organizimin e Misionit të OSBE-së, sot në Viti është mbajtur takimi i radhës së grupit punues për hartimin e strategjisë komunale për komunikim dhe informim.

Gjatë këtij takimi zv. Kryetari i Komunës së Vitisë ka folur për rëndësinë e ka kjo strategji por edhe për punën e Zyrës për Informim Publik ku ndër tjerash theksoi se kjo zyre ka ecur mbarë në fushën e transparencës duke bashkëpunuar në këtë drejtim me OSBE-në dhe shoqërinë civile.

Në këtë takim ka marrë pjesë edhe Drejtori Regjional i OSBE-së për Gjilan, Ulrich Biffar. Gjatë këtij takimi grupi punues u pajtuan për hapat e më tutjeshme të hartimit të kësaj strategjie./2L ONLINE/