Po na vjedhin me ora digjitale e po na thonë “është normale!”

Shkruan: Arlind Vokshi

Na i hoqën orët e vjetra.
Na i vendosën digjitalet.
Na thanë: “investim”.
Na thanë: “modernizim”.
Na thanë: “sistem më i avancuar”.

E, sot?
Sot qytetari po paguan ma shtrenjtë se kurrë.

E, kur shkon me lyp sqarim, përgjigjja është gjithmonë e njëjtë: “Keni harxhuar energji gjatë ditës”.

Po a e dini çka është problemi?

Askush nuk po e din a po punon ajo orë sipas kohës reale, a po e njeh saktë tarifën e lirë dhe të shtrenjtë, apo a është krejt sistemi i ndërtuar për me ta rrit faturën pa e kuptua ti vetë.

Nuk ka logjikë që një njeri që jeton vetëm me pagua sa një familje me 3-4 veta.
Nuk ka logjikë që shtëpia me qenë bosh gjysmën e ditës, e fatura me ardhë si me pas punua saldues 24 orë. Nuk ka logjikë që çdo muaj qytetari me u trondit nga faturat, e institucioni me ta kthy të njëjtën përgjigje copy-paste.

Kjo nuk është më “gabim teknik”.
Kjo është hajni e sofistikuar.
Na e kanë shitë si investim.
E në fakt, investimi i vetëm që kanë bo është: me e bo vjedhjen ma të saktë, ma të kontrolluara dhe ma të legalizuara.

E ma e keqja?
Na kanë mësua me e pranua si normale.
Na vjen fatura e fryme.
Ankohemi dy minuta.
Shajmë pak.
E pastaj shkojmë e paguajmë.

Kështu po funksionon ky sistem.
Ti marrin paret, e pastaj të bindin që fajin e ki ti.

Por, jo!

Nuk është normale me u plaçkit qytetari çdo muaj.
Nuk është normale me pagua pa e ditë pse.
Nuk është normale me të ardhë fatura ma e rëndë se logjika.

Prandaj sot pyetja është e thjeshtë:

Pse u ndërruan orët?
Kush përfitoi nga ky ndryshim?
dhe
Pse qytetari po paguan gjithmonë ma shumë?

Nëse krejt është në rregull, atëherë le ta dëshmojnë publikisht.
• Le t’i kontrollojnë orët.
• Le ta verifikojnë tarifën ditë/natë.
• Le ta hapin sistemin.
• Le t’i japin qytetarit llogari.

Por, derisa nuk ka transparencë, dyshimi është i drejtë, dhe i bazuar.

Po na vjedhin! /2LONLINE/