Po i përkushtohen bujqësisë, por u duhet edhe ndihma e shtetit

/2L ONLINE/ – Se zhvillimin e ekonomisë e ndihmon shumë zhvillimi i bujqësisë, është dëshmuar në të gjitha rastet dhe në të gjitha periudhat kohore. Këtë po e vërteton edhe tani koha, kur shumë banorë shqiptarë nga të gjitha hapësirat e Kosovës kanë filluar t’i përkushtohen bujqësisë, ngase aty po shihet sigurimi i mirëqenies së familjeve.

Në kuadër të kësaj edhe në komunën e Dardanës, përveç tjerash banorët e shpërngulur nga fshatrat malore kanë filluar t’i kthehen vendlindjeve të tyre, të cilët po ngrenë ferma, mbjellin grurin, po mbjellin arra etj. e sidomos mjedra.

Në kuadër të kësaj, në Velegllavën e Poshtme (Nefellë) tani janë kthyer dy familje të cilët iu kanë kthyer tokës e bagëtisë, ngase me vizionin e tyre kanë parë se perspektiva e fitimi në këtë kohë të pa kohë, vjen pikërisht nga ruajtja e bagëtive mbjellja e mjedrave etj.

Fehmi Rapuca që prej kohësh është duke u marrë me ruajtjen e lopëve e gjedhëve, ndërsa tani këtë vit edhe Bajram Rapuca ka mbjellë mjedra, i cili është i bindur se do të ketë fitim mjaftë të mirë për të siguruar mirëqenien e familjes si dhe për të qenë edhe i shëndosh, ngase natyra e mirë, ajri i pastër, puna në tokën që jep prodhime të mira, jo vetëm që të siguron të ardhura, por edhe të ruan shëndetin thotë Bajram Rapuca.

Por, këta njerëz punëtorë e vullnetmirë duhet te ndihmon sa më shumë nga komunat përkatëse, gjegjësisht nga shteti.

Vërtetë ashtu është ngase gjatë vizitës që i bëra vikendit të kaluar, ajri i pastër, më pastroi mushkëritë që janë mbushur me ajrin e ndotur të qytetit, pastaj puna e paktë që bëra, (kositje, prashitje), më largoi stresin e qytetit e m’i ndaloi edhe dhimbjet e trupit të shkaktuara nga karrigia e zyrës. /Ismet Tafili/