PK: Dyshohet se vrasja e rëndë në Gllogjan është kryer me AK-47

Policia e Kosovës (PK) në raportin e saj 24 orësh, ka bërë me dije për sulmin vrasës, mbrëmë në Gllogjan, ku u vranë tre persona dhe u plagos një tjetër.

Sipas policisë, nga një i dyshuar i panjohur  është sulmuar me armë zjarri (dyshohet të jetë AK-47) autobusi që ishte duke bartur udhëtarë (nxënës).

Janë vrarë tre persona (drejtuesi i autobusit dhe dy nxënës) dhe një tjetër(nxënës) është plagosur.

I dyshuari gjendet në arrati, rasti në procedurë hetimore. 

 Raporti i Policisë:

VRASJE  E RËNDË

Fsh. Gllogjan, Deçan 26.11.2021-18:58.  Është raportuar se një autobus derisa ishte duke bartur udhëtarë (nxënës) është sulmuar me armë zjarri (dyshohet të jetë AK-47) nga një i dyshuar i panjohur. Në këtë rast lëndime vdekje-prurës ka pësuar drejtuesi i autobusit,  viktima mashkull  kosovar, vdekjen e të cilit e ka konstatuar ekipi mjekësor në vendin e ngjarjes. Ndërsa tri viktima, dy meshkuj  dhe një femër (nxënës) janë dërguar në  Spitalin Rajonal Pejë, dy prej tyre kanë ndërruar jetë (një mashkull dhe një femër ) ndërsa viktima tjetër është duke u trajtuar në spital. Njësitet relevante kanë dalë në vendin e ngjarjes. I dyshuari gjendet në arrati, rasti në procedurë hetimore.  /2LONLINE.com/