Pjesëtarët e Policisë së Kosovës dhurojnë gjak

Sot, më 14 qershor, në Ditën Ndërkombëtare të Dhuruesve të Gjakut, Drejtoria e Shërbimeve Shëndetësore e Policisë së Kosovës, ka organizuar dhurimin vullnetar të gjakut nga pjesëtarë të Policisë së Kosovës (PK).

Dhurimi i gjakut nga pjesëtarë të njësive speciale të PK-së, është realizuar sot në mesditë në sheshin ‘Nënë Tereza’ në Prishtinë.

Policia e Kosovës, ashtu si edhe në të kaluarën i është përgjigjur iniciativës së shënimit të kësaj dite, duke dhuruar gjak të bindur se dhurimi i gjakut është shembull human dhe mund të jetë edhe akt i shpëtimit të jetës.

Policia do të vazhdojë, pos aktiviteteve për të siguruar dhe ruajtur rendin dhe qetësinë publike dhe funksionimin e sistemit shtetëror të vendit edhe me aktivitete tjera si ky i sotëm në të mirë të qytetarëve të vendit. /2LONLINE/