Pjesëmarrja të jetë e unifikuar për Këshillin Nacional

(2L ONLINE) – Miratimi i Ligjit në vitin 2009, për formimin e Këshillave Kombëtare të minoriteteve që jetojnë në Serbi,në Parlamentin e Serbisë pastaj seanca e parë konstituive u mbajt në Bujanoc më 3 korrik 2010 i përbërë nga 29 anëtarë të vetëm dy subjekteve.

Shkruan: Refik HASANI

Tani janë caktuar edhe rregullat lojës dhe më datën 26 tetor të këtij viti do të mbahen zgjedhjet e dyta për Këshillin Nacional për shqiptarët në Medvegjë, Bujanoc dhe Preshevë . Paralajmërimi se ky Këshill nuk do të numëroj 29 anëtar sa kishte por do të përgjysmohet dhe do të numëroj 15 anëtarë është jashtë çdo logjike .

Prandaj kërkohet që të gjitha subjektet politike të jen unikë , të unifikuar dhe të koordinojnë aktivitetin e së bashku pozitë e opozitë gjithë me një zë të marrin pjesë në këto zgjedhje për këshillin nacionale apo të bojkotojnë .

Në këto momente kërkohet maturi dhe që të unifikojnë qëndrimet duke debatuar duke u konsultuar e jo të ndahen e përçahen sikur për pjesëmarrje në Trupin Koordinues , për zgjedhjet për parlament të Serbisë e interesa vitale .

Funksionimi i këshillit për katër vite nuk dha ndonjë rezultat ku shihet ndonjë përmirësim i të drejtave individuale dhe kolektive për shqiptarët në Medvegjë, Bujanoc dhe Preshevë . Sikur që ishin të bashkuar në vitin 2011, sa i përket regjistrimit të popullatës të jetë edhe tani pasi zvogëlimi nga 29 në 15 anëtarë të këshillit është pasoj e atij vendimi të përbashkët .

Duhet të nisen nga një parim vetëm të bashkuar mundë të përfaqësojnë interesat e përgjithshëm pasi shkalla e diskriminimit nuk është u ndalur dhe zbrazja e këtij Rajoni në mënyrë të heshtur është duke ndodhur. /2L ONLINE/