PISA 2015-Vlerësim tejet i rëndësishëm për Kosovën

/2L ONLINE/ – Në shkollën e M U “Abaz Ajeti” në Gjilan për nxënësit e moshës 15 vjeçare, u mbajt testimi për procesin e Vlerësimit Ndërkombëtar PISA.

Zyrtari i Ministrisë së Arsimit, gjegjësisht administratori Zejnullah Halili na bënë të ditur se ky test vlerëson sistemin arsimor të Kosovës dhe në bazë të rezultateve shihet pozicioni i Kosovës në raport me vendet e tjera të botës. Në bazë të këtyre rezultateve do të identifikohen përparësitë dhe të metat në sistemin tonë arsimor. Vlerësimi ndërkombëtar PISA ka për qëllim që të shihet gjendja aktuale e një nxënësi të moshës 15 vjeçare, sa është i përgatitur ai si qytetar për t’u përballur me sfidat e jetës, në çka duhet të fokusohet dhe çfarë shkathtësish duhet të ketë që të bëhet një qytetar i suksesshëm.

Rezultatet nga ky vlerësim do të ndikojnë në politikat arsimore. Çka është më e mira ky testim na krahason me shumë vende të botës dhe saktësisht do ta shohim për herë të parë pozicionin e Kosovës në krahasim me vendet e tjera, thotë Kordinatorja Zejenepe Mustafa, e cila ka marrë detyrën dhe përgjegjësinë për ta organizuar këtë testim në shkollën “Abaz Ajeti”, dhe i ka bërë më kohë të gjitha përgatitjet, dhe shprehet e kënaqur me gatishmërinë e nxënësve për t’iu nënshtruar këtij testi vlerësues.

Në këtë testim marrin pjesë 225 shkolla nga e gjithë Kosova, me 5300 nxënës duhet të marrin pjesë. Ndërkohë, testi përgatitet nga PISA dhe pyetjet e përgatitura janë njëlloj për 72vende të botës, që përfshijnë tri fusha: fushën e gjuhës, të matematikës dhe fushën e shkencës.

Ky test nuk është shumë i rëndësishëm për të treguar rezultatin e një nxënësi apo rezultatin e një shkolle, pra ky test vlerëson nivelin e arsimit në Kosovë. Është konfidencial emri i nxënësit, sa pikë i ka marrë edhe i cilës shkollë është, por konsideroj se duhet ta japin maksimumin të gjithë nxënësit, që vërtetë Kosova të dalë mire thonë përgjegjësit e ministrisë së arsimit. Ndërkohë, në vitit 2016 dalin rezultatet dhe shihet pozicioni i Kosovës se ku gjendet në raport me 72 shtete të botës. Organizata ndërkombëtare për vlerësim PISA është një nga vlerësimet më të besueshme botërore, që është themeluar në vitin 200./2L ONLINE/