Pesë ekipe mjekësore në gatishmëri gjatë Testit të Maturës Shtetërore në Gjilan

Qendra Kryesore e Mjekësisë Familjare (QKMF) në Gjilan ka angazhuar pesë ekipe mjekësore për të përcjellë nga afër zhvillimin e Testit të Maturës Shtetërore, i cili po mbahet sot, më 20 qershor 2026.

Sipas njoftimit të QKMF-së, ekipet mjekësore janë organizuar në kuadër të masave për garantimin e sigurisë shëndetësore të maturantëve gjatë procesit të testimit.

Ekipet do të jenë në gatishmëri të plotë për të ofruar ndihmë mjekësore sipas nevojës dhe për të siguruar mbarëvajtjen e procesit në qendrat ku po zhvillohet testi.  /2LONLINE/