Përurohet objekti shkollor në Roganë

/2L ONLINE/ – Përurohet objekti shkollor modern në Roganë i cili ishte shumë i nevojshëm për zhvillimin e procesit mësimor të paraleleve të ndara fizike të Gjimnazit “Ismail Qemalit” dhe të shkollës së mesme të lartë profesionale ” Andrea Durrsaku” nga Kamenica. Në këtë përurim morën pjesë nxënës,arsimtarë,veteranëve të arsimit dhe prindër, Christof Stock,përfaqësues i Zyrës së BE-së në Kosovë,zv/ministrja Anila Statovci Demaj, Kryetari i KK.z. Begzad Sinani, Nënkryetari, Kryesuesi, Drejtor të Drejtorive Komunale, Drejtor të shkollave, profesorë dhe qytetarë të shumtë. “Urime objekti e ri shkollor të gjithëve, nxënësve, mësimdhënësve, qytetarëve të Roganës dhe fshatrave për rreth. Sot përuruam objektin e ri shkollor, kështu po realizojmë një premtim të fushatës së kaluar zgjedhore po mbajmë premtimet e dhëna para qytetarëve,me përurimin e kësaj shkolle, po eliminojmë mbajtjen e mësimit në tri ndërrime në komunën tonë, po krijojmë kushte më të mira për nxënësit dhe mësimdhënësit, poashtu do të vazhdojmë me realizimin e projekteve të tjera”, ka thënë kryetari i Kamenicës Begzad Sinani.. Ai tha se në emër të tij dhe të strukturave komunale si dhe qytetarëve të komunës dëshiron të falënderojë Zyrën e Bashkimit Evropian përfaqësuesin Christof Stock, Qeverinë e Republikës Kosovës, përkatësisht Ministrinë e Arsimit dhe Ministrinë e Administrimit dhe Pushtetit Lokal, për mbështetjen në realizmin e projekteve tona”,. Përfaqësuesi i BE-së në Kosovë, z. Christoff Stock, theksoi se Bashkimi Evropian do të vazhdojë të ndërtojë shkolla në vendin tonë në bashkëpunim me Ministrinë e Arsimit, dhe falenderoi Kryetarin e Komunës për bashkëpunimin në përfundimin e këtij projekti, “Nëse nuk investojmë në arsim, në nxënës, atëherë as zhvillimi ekonomik nuk është i mundur”, tha ai. Ndërsa, zv.Ministrja Anila Statovci Demaj, ndër të tjerash theksoi rëndësinë që e ka arsimi edhe edukimi për shoqërinë, prandaj edhe theksoi se investimet në këtë fushë janë të sigurta për të ardhmen e një vendi dhe investimi i vetëm, i cili sigurisht se do të kthejë shumë vlera për këtë vend. Kjo shkollë është shkolla më moderne në Komunën e Kamenicës,e cila ka kushtuar 860.000 mijë €. Me 15 dhoma mësimi dhe sallën e kulturës fizike, që paraqesin hapësirë të mjaftueshme për zhvillimin e procesit edukativo arsimor. Objekti është financuar nga BE, ndërsa inventari është siguruar nga Ministria e Arsimit. Objekti i shkollës fillore”Metush Krasniqi”të cilin me dekada e kanë e shfrytëzuar shkollat e mesme i lirohet hapësira,dhe procesi edukativo arsimor do të zhvillohet pa vështirësi. /2L ONLINE/