Përmbyset Drita!

Në minutat e fundit të ndeshjes, skuadra e Dritës ka pësuar gol dhe ka humbur takimin e parë ndaj skuadrës rumune FCSB. 3 me 2 ishte rezultati final i këtij takimi  të parë të rrethit të tretë kualifikues të Ligës së Evropës, e cila u luajt në stadiumin “National Arena” të Bukureshtit, ndonëse skuadra gjilanase  ishte në epërsi (0:2).

Për Dritën shënuan Veton Tusha e Arb Manaj e për rumunët Daniel Birligea (2 herë) dhe Danijel Graovac.

Tani, Dritës i mbetet që në ndeshjen e kthimit ta zhbëjë këtë epërsi minimale të rumunëve dhe ta kërkojë fitoren që e dërgon tutje.

Përrndryshe, nëse Drita siguron rezultatin e duhur në ndeshjen e kthimit, atëherë ajo do të përballet në “play-off”in e Ligës së Evropës me skuadrën skoceze Aberdeen, derisa nëse eliminohet nga skuadra rumune, ajo do të transferohet në “play-off”in e Ligës së Konferencës, ku e pret fituesi i duelit mes Differdange dhe Levadia. 

Ndeshja e radhës do të zhvillohet pas një jave në Stadiumin “Fadil Vokrri” në Prishtinë./2LONLINE/