Përmbyllet manifestimi për 65-vjetorin e lindjes së heroit Nuhi Berisha
Është përmbyllur manifestimi dyditor kushtuar 65-vjetorit të lindjes së heroit të kombit, Nuhi Berisha, i cili përmes një sërë aktivitetesh kulturore, sportive dhe përkujtimore nderoi jetën dhe veprën e tij.
Aktivitetet përmbyllëse nisën me sport, përmes turnirit të karatesë në Kamenicë dhe turnirit në futboll të vogël, duke vazhduar më pas me Akademinë Përkujtimore, të mbajtur në Teatrin e Qytetit në Gjilan.
Në këtë akademi u përkujtua jeta, veprimtaria dhe sakrifica e heroit Nuhi Berisha, i cili mbetet një nga figurat e rëndësishme të historisë së rezistencës dhe përpjekjes për liri.
Komuna e Gjilanit shpreh mirënjohjen për të gjithë pjesëmarrësit, organizatorët dhe qytetarët që u bënë pjesë e këtij manifestimi dyditor, duke dëshmuar respektin dhe përkushtimin për ruajtjen e kujtesës historike.
Kujtimi për heroin Nuhi Berisha mbetet i përjetshëm.
Lavdi!