Përkundër humbjes nga Rayo Vallecano, skuadra e Dritës vazhdon tutje rrugëtimin evropian
Kampionia e Kosovës, FC Drita, ka humbur sonte ndeshjen e gjashtë, të fundit, të fazës së ligës në UEFA Conference League, nga Rayo Vallecano-s, 3:0 (Florian Lejeune, 33′ Gerard Gumbau 66′, Alfonso Espino 83′), por ajo çfarë është e rëndësishme, skuadra bardh e kaltër me 8 pikët e grumbulluara, ia ka dal të radhitet në mesin e 24 ekipeve, me çka vazhdon tutje garën në play-off, nga vendi i 20-të.
Drita, në rrugëtimin e deritanishëm kishte barazuar me KuPS Kuopio dhe Omonia Nicosia, kishte fituar nga Shelbourne dhe Shkëndija dhe humbur nga AZ Alkmaar dhe Rayo Vallecano.
Ja postimi i plote i Dritës pas këtij suksesi
Një mbrëmje e vështirë në rezultat, por një kapitull historik për ne.
Pavarësisht humbjes 3–0, ne arrijmë të kualifikohemi në fazën Play-Off të UEFA Conference League, duke shkruar edhe një tjetër faqe historie për klubin tonë dhe për futbollin e Kosovës.
Falënderim i veçantë për INTELEKTUALËT, tifozët tanë të jashtëzakonshëm, që na qëndruan pranë kudo e gjithmonë dhe na dhanë forcë në çdo moment.
Rrugëtimi ynë evropian vazhdon. 
Historia jonë nuk ndalet këtu. 
/2LONLINE/