Përkujtohet dëshmori Sherif Frangu në përvjetorin e rënies

Kryetari i Komunës së Vitisë, Sokol Haliti, së bashku me kryesuesin e Kuvendit Komunal, Bekim Azizi dhe bashkëpunëtorë të tjerë, kanë bërë sot homazhe pranë varrit të dëshmorit të kombit, Sherif Frangu.

Homazhet u zhvilluan në përvjetorin e rënies së tij, më 3 prill, duke kujtuar sakrificën e Frangut, i cili u vra në vitin 1981 në Ferizaj, nga forcat policore serbe, gjatë demonstratave të asaj kohe.

Me këtë rast, përfaqësuesit institucionalë nderuan figurën dhe kontributin e dëshmorit, duke theksuar rëndësinë e ruajtjes së kujtesës historike dhe respektit ndaj atyre që dhanë jetën për liri.  /2LONLINE/