Përfundon Turniri Tradicional “Rogana”, triumfoi ekipi “Florim Rushiti” nga Medvegja

Në kuadër të manifestimit “Ditët e Diasporës 2021”, Drejtoria për Kulturë, Rini dhe Sport e komunës së Kamenicës,  ka organizuar edhe finalen e Turnirit Tradicional “Rogana”.

Ndeshja finale u luajt nga ekipet “Florim Rushiti” nga Medvegja, si dhe ekipa nga Rainca, me ç’rast ekipa nga Medvegja triumfoi me rezultat 2:1.

Të pranishëm në këtë turnir ishin: Kryetari i Komunës së Kamenicës, Qëndron Kastrati, Presidenti i Federatës së Futbollit të Kosovës, Agim Ademi, organizatori i këtij turniri, Hetem Geci, drejtori i DKRS-së, Arianit Ibrahmi, si dhe qytetarë të shumtë.

I pari i komunës, Qëndron Kastrati, tha se në finalen e mbrëmshme ishte një atmosferë e jashtëzakonshme e krijuar nga sportdashësit e futbollit.

“Atmosferë e jashtëzakonshme mbrëmë në finalen e Turnirit Tradicional “Rogana”. Pas ca viteve, ky turnir u rikthye përsëri, për t’i bërë bashkë sportdashësit e futbollit, e ekipet nga vende të ndryshme. Ekipi “Florim Rushiti” nga Medvegja, triumfoi me rezultat 2:1, ndaj ekipit nga Rainca. Në kuadër të organizimit “Java e Diasporës”, nga DKRS, përjetuam emocione nga kjo finale, për çka e falënderoj dhe drejtorin Arianit Ibrahimin për punën e jashtëzakonshme. Faleminderit pjesëmarrësve, qytetarëve, e gjithë ekipit organizativ”, tha ai.

Kastrati gjithashtu së bashku me presidentin e Federatës së Futbollit të Kosovës, si dhe organizatorin e këtij turniri ndan medaljet dhe kupat për ekipet fituese të këtij turniri.

“Pata kënaqësinë që së bashku me presidentin e Federatës së Futbollit të Kosovës, Agim Ademi, organizatorin e këtij turniri Hetem Geci, e bashkëpunëtorë të shumtë, të ndajmë medaljet dhe kupën për ekipin kampion dhe nënkampion të këtij eventi”, shtoi Kastrati.

Gjithashtu gjatë manifestimit “Ditët e Diasporës 2021”, u organizua edhe ecje në fshatin Meshinë- “Ta njohim Trashëgimin”, ku pjesëmarrës ishin shumë qytetarë që vizituan objektet e vjetra të këtij fshati si mullinjë, shtëpi, shtalla dhe xhami. /2LONLINE.com/

Manifestimi “Ditët e Diasporës 2021”, do të vazhdoj edhe në ditët në vazhdim me disa aktivitete.

Më datë 02.08.2021

• Ora: 17:00 – Ekspozitë kolektive e artit vizuel (minoritetet),

Vendi: Shtëpia e Kulturës.

• Ora: 18:00 – Mbrëmja e fëmijëve – (balet, këngë për fëmijë).

Më datë 03.08.2021

• Ora: 20:00 – Koncert folklorik.

Më datë 04.08.2021

• Ora: 20:00- Koncert.

Më datë 05. 08.2021

• Ora: 18:00 Street Ball,

Vendi: Parku i Qytetit.