Përfundon turneu i veteranëve me Gjilanin fitues

Ka përfunduar turneu një ditor i veteranëve i organizuar nga Lidhja Rajonale e Futbollit e Gjilanit, me ç’rast mysafir ishte e ftuar edhe ekipi i Lausanne Sport. Ardhja e tyre u mundësua nga Shefki Hyseni, me ç’rast ai u falënderua për kontributin e jashtëzakonshëm të dhënë për këtë turne.

Ndeshjet u zhvilluan me sistem pikësh, me këtë rast të gjitha skuadrat u ndeshën mes vete.

Ekipi i veteranëve të Gjilanit doli fitues dhe njëherësh morën epitetin e ekipit kampion.

Ndërkohë, në vendin e dytë përfundoi ekipi i veteranëve të Shqiponjës nga Vitia.

Për skuadrat tjera u ndanë mirënjohje për pjesëmarrjen dhe masivizimin e lojës së futbollit në kategorinë e veteranëve.

LRF e Gjilanit falënderoi gjithë akterët pjesëmarrës dhe synon që edhe në të ardhmen të organizojë evente të tilla. /2LONLINE/