Përfundon në çerekfinale aventura e 13-vjeçarëve të SC Gjilanit në Sebra Cup të Norvegjisë

Me duelin e çerekfinales përballë ekipit Gimeltroll IK, skuadra e 13-vjeçarëve të SC Gjilanit e ka mbyllur aventurën e Sebra Cup të Norvegjisë.

Bilanci: Një fitore, tri barazime dhe një humbje, Tetë gola të realizuar dhe po aq të pranuar, Çerekfinalja arritja e madhe për këtë edicion.

Ka përfunduar me sukses aventura e fatosëve t ëSC Gjilanit në në turneun madhor “Sebra Cup” në Norvegji. Djelmoshat e udhëhequr nga Leutrim Arifi dhe Sadulla Ajeti kanë treguar performancë të shkëlqyer në këtë kompeticion duke treguar ndeshje të bukura dhe duke shënuar në secilën sfidë të zhvilluar.

“Në mesin e 450 ekipeve pjesëmarrëse nga e gjithë bota, prezent ishin edhe fatosët tanë. Turneu është mbajtur nga data 29 deri më datë 31 gusht, ndërkohë ekspedita e futbollistëve dhe stafit do të rikthehen më 1 shtator. Sport Club Gjilani falenderon ambasadoren znj. Nita Luci, e cila ka bërë të pamundurën për pjesëmarrjen e fatosëve tanë në këtë turne madhështor në Norvegji”, thuhet nç njofitmi ne SC Gjilanit.

Rezultatet
Grupi F
Randesund IL 2-2 SC Gjilani
SC Gjilani 1-1 Vaulen IL
SC Gjilani 1-1 Vindbart FK
1/8 e finales
SC Gjilani 3-0 Kvinesdal IL
1/4 e finales
Gimeltroll IK 4-1 SC Gjilani

Ekipi pjesëmarrës: Ledrian Kastrati, Blondin Qarolli, Anik Bislimi, Sunay Poqinci, Lis Ramushi, Lorik Spahiu, Dujar Jakupi, Almat Morina, Valon Jakupi, Erdi Ajeti, Loris Ajeti, Mael Abdyli, Ajan Spahiu.
Trajnerë: Sadullah Ajeti & Leutrim Arifi. /2LONLINE/