Përfundon me sukses kampi treditor i Kombëtares U15 me talentet e Diasporës!

“Ka përfunduar kampi treditor i Kombëtares U15 të Kosovës, ku 30 futbollistë të gjeneratës 2012 nga Diaspora patën mundësinë të tregojnë talentin dhe potencialin e tyre nën drejtimin e përzgjedhësit Ilir Nallbani dhe stafit të Kombëtares”, njofton Federata e Futbollit e Kosovës (FFK).

Gjatë tri ditëve në Kampin Nacional të FFK-së në Hajvali, futbollistët zhvilluan seanca intensive stërvitore, duke dëshmuar përkushtim, disiplinë dhe cilësi në çdo seancë.

“Stafi teknik vlerësoi nga afër secilin futbollist, ndërsa më të dalluarit e këtij kampi do të ftohen në grumbullimet e ardhshme. Suksese djemve në rrugëtimin e tyre drejt realizimit të ëndrrës me fanellën e Kosovës”, thuhet në fund të njoftimit të FFK-së. /2LONLINE/