Përfundojnë me sukses dy trajnime rehabilituese në Qendrën e Paraburgimit në Gjilan
/Trajnimet janë realizuar në kuadër të angazhimeve të vazhdueshme për rehabilitim dhe riintegrim/
Në Qendrën e Paraburgimit në Gjilan janë përfunduar me sukses dy trajnime rehabilituese: “Menaxhimi i Zemërimit” dhe “Biseda për Ndryshim”.
Sipas drejtuesve të kësaj Qendre, këto programe kanë për qëllim zhvillimin e aftësive personale dhe përmirësimin e sjelljes së të paraburgosurve, duke ndihmuar në kontrollin e emocioneve dhe nxitjen e ndryshimeve pozitive në jetën e tyre, transmeton 2LONLINE.
“Trajnimet janë realizuar në kuadër të angazhimeve të vazhdueshme për rehabilitim dhe riintegrim, duke kontribuar në përgatitjen e të paraburgosurve për një kthim më të suksesshëm në shoqëri”, thuhet në njoftimin e Shërbimit Korrektues të Kosovës. /2LONLINE/