/2L ONLINE/ – Kabineti i Kryetarit dhe qeveria Komunale e Vitisë, të prirë nga zv. Kryetari i kësaj komune, Hasan Aliu në mënyrë të organizuar kanë bërë sot pagesën e tatimit në pronë. Me këtë rast zv. Kryetari Aliu ju bëri thirrje qytetarëve vitias që të paguajnë faturat e tatimit në pronë duke potencuar se mjetet e grumbulluara do të ju kthehen në investime.
“Për çdo vit në mënyrë të organizuar me vendim të kryetarit Haliti ne bëjmë pagesën e faturave të tatimit në pronë dhe atë gjithmonë në muajin mars-prill. Ju bëjë thirrje qytetarëve të bëjnë pagesën e faturave të tatimit në pronë dhe atë në mënyrë vullnetare sepse pas muajit të gjashtë ato dënohen sepse i tillë është sistemi, pse të mos paguajmë faturën në kohën e duhur dhe këto mjete do të kthehen në investime kapitale në të mirën e qytetarëve të komunës së Vitisë”, u shpreh Aliu. /2L ONLINE/