Për volejbollistin Erolind Kërqeli “Daja” hapet një kapitull i ri në Gjermani

Volejbollisti Erolind Kërqeli “Daja”, nuk do të jetë më pjesë e Klubit të Volejbollit “Drita”, pasi ai tutje rrugën e tij profesionale do ta vazhdsojë në Gjermani.

Këtë e kanë bërë të ditur, përmes një postimi, drejtuesit e KV Drita,  të cilët e kanë vlerësuar se në fanellën “bardh e kaltër”, “Daja” ka dhënë maksimumin në çdo ndeshje, duke qenë shembull për bashkëlojtarët dhe frymëzim për klubin, me ktë rast i  kanë dëshiruar suksese në rrugëtim e tij të mëtutjeshëm në këtë sport.

Ja postimi  i plotë i KV Drita

Faleminderit për gjithçka, Erolind Kërqeli

Prej ditës së parë e deri sot, emri yt ka qenë gjithmonë i lidhur me fanellën e KV Drita. Me përkushtim, sakrificë dhe shpirt luftarak, ke dhënë maksimumin në çdo ndeshje, duke qenë shembull për bashkëlojtarët dhe frymëzim për klubin tonë.

Tani, një kapitull i ri po hapet për ty në Gjermani dhe ne të urojmë shumë suksese në rrugën tënde profesionale dhe jetësore.

Drita do të mbetet gjithmonë shtëpia jote, ndërsa ti do të mbetesh pjesë e historisë sonë.

Faleminderit për gjithçka, Erolind Kërqeli ‘DAJA’

Dyert tona janë gjithmonë të hapura për ty