Për stagnimin e Kosovës në agjendën evropiane fajin e bartë Prishtina

/2L ONLINE/ – Për stagnimin e Kosovës në agjendën europiane fajin e bartë Prishtina, e jo institucionet evropiane. Kështu shprehet Lutfi Haziri, kreu i komunës së Gjilanit, njëherësh nënkryetar i Lidhjes Demorkatike të Kosovës (LDK).

Ai në faqen e tij zyrtare në FB shkruan:

“Për stagnimin e Kosovës në agjendën europiane fajin e bart Prishtina, e jo institucionet evropiane. Me vetë faktin se Kosova nuk ka shënuar ndonjë progres, përkundrazi mosimplementimi i zgjedhjeve të 8 qershorit dhe moskonstituimi i institucioneve të dala nga këto zgjedhje shënon ngecje, prandaj mund të themi se problemet janë grumbulluar në atë pikë sa perspektiva europiane e Kosovës edhe me dialogun e liberalizimit të vizave edhe me dialogët tjerë, që përfshin edhe marrëdhëniet kontraktuale me BE-në, kanë shënuar stagnim. Duhet të ruhet uniteti politik në integrimet europiane dhe duhet të avancohet angazhimi i përbashkët në mënyrë që të arrihet treni i fundit. LH”. /2L ONLINE/