Për qeverinë e re që (s’)e dojnë?!
Shkruan: Arsim Kastrati
VV-ja s’po mun e bon, LDK-ja as me VV e as me PDK s’po don, PDK-ja nuk po dihet a qeveri a zgjedhje t’reja dëshiron?!
Qeverinë e re askujt shumë s’po ja do se, mandati mund të jetë i shkurtë e detyrat goxha t’randa!
Por, populli i ka votu për t’ia kqyrë dertet e për ta forcuar shtetin e brishtë, jo për t’i bllokuar institucionet e tij duke ndeshur ego inatçore deri në pakufi.
Me 09 Shkurt njerëzit kanë votu për VV-në apo për partitë opozitare, dhe në rregull do të ishte qeverinë e re ta formonte, ose VV-ja ose PDK+LDK+AAKNISMA, me partitë e pakicave që e duan Kosovën e pamvarun.
Për t’u formu qeveria e re nga partitë e deri djeshme opozitare, ato do të duhej ta dëshironin dhe ta shprehnin një gjë të tillë si dhe, ta pranonin kandidatin apo kandidaten e VV-s për pozitën e kreut të parlamentit, gjithnji nëse janë të sigurtë se i kanë besnikë deputetët dhe nuk rrezikojnë që ata t’u bijnë në grepat e Vetvendosjes.
Nëse nuk mundet askush dhe nëse sadopak kanë atëdhedashuri atëherë, le ta bëjnë së bashku veç për disa muaj, deri nji vjet jo ma shumë!
Nga shtatë vjetë stërgjyshnit e tyne kanë shërby nëpër ushtri të huaja, por jo, këta janë ndryshe, këta s’mbajnë shumë!
Këta janë: “Ish nisë njani me kërku punë e rrugës i lutej Zotit mos me gjetë”! Edhe partitë e Kosovës duke i vendosur kushte dhe i shprehur dis-a njena tjetrës, më shumë duket se nuk e duan se sa që e duan, punën për të cilën paguhen mirë.
Një popull që e ka një klasë politike kaq të dobët e kaq t’mbrapsht ndoshta ma mirë i bjen mos me e pas hiq!
Ndoshta mirë e ka Azem Vllasi, mos ka ardhë koha populli me e rrethu parlamentin dhe me mjete demokratike me e imponu vullnetin e tij për mirëqenie individuale, familjare, shoqërore e shtetërore?
Ndoshta ‘topi i ka humbë të gjithëve’, edhe politikanëve profesionist edhe popullit e, këtij të fundit kadaldale edhe durimi?! /2LONLINE/