Për një bashkëpunim që synon fuqizimin e aktiviteteve akademike, mbështetjen e talentëve të rinj…

Kryetari i Shoqatës së Matematikanëve të Gjilanit, Bregan Isufi, së bashku me anëtarin e kryesisë, Sami Shurdhani, zhvilluan një takim zyrtar me Zëvendësministrin e Ministrisë së Arsimit, Përparim Kryeziu.

“Në këtë takim u prezantuan aktivitetet dhe puna e deritanishme e Shoqatës në promovimin e matematikës, organizimin e garave, identifikimin dhe përkrahjen e talenteve të rinj, si dhe angazhimi i vazhdueshëm për ngritjen e cilësisë në arsim”. bënë të ditur Isufi.

Gjithashtu, u diskutuan mundësitë e bashkëpunimit ndërmjet Ministrisë së Arsimit dhe Shoqatës së Matematikanëve të Gjilanit në iniciativa dhe projekte që synojnë fuqizimin e aktiviteteve akademike, mbështetjen e nxënësve të talentuar dhe promovimin e shkencës te gjeneratat e reja.

Shoqata e Matematikanëve të Gjilanit shpreh mirënjohje për pritjen, gatishmërinë dhe mbështetjen institucionale të treguar gjatë këtij takimi, duke vlerësuar se bashkëpunimi ndërinstitucional mbetet një hap i rëndësishëm drejt zhvillimit të arsimit cilësor dhe krijimit të më shumë mundësive për të rinjtë tanë. /2LONLINE/