Për nder të ditës së fëmijëve u mbajt një seancë e improvizuar të kuvendit

/2L ONLINE/ – Me rastin e 1 qershorit- Ditës Ndërkombëtare e Fëmijëve nën organizimin e Komunës së Vitisë, sot është mbajtur nga nxënësit e shkollave fillore një seancë e improvizuar e Kuvendit Komunal. Gjatë kësaj „seance“ nxënësit përveç se kanë mësuar se si funksionon puna e Kuvendit Komunal kanë parashtruar edhe pyetje që kryesisht kanë të bëjnë me mbrojtjen e të drejtave të fëmijëve.

Gjatë kësaj seance që u mbajt për nder të ditës ndërkombëtare të fëmijëve i pranishëm ishin: Kryesuesi i Kuvendit Komunal të Vitisë, Naim Pira si dhe zv. kryetari i komunës Hasan Aliu të cilët në një fjalë rasti pos që kanë uruar fëmijët për ditën e tyre ndër tjerash kërkuan nga ta që të ngrejnë zërin përmes aktiviteteve të ndryshme kundër padrejtësive që mund të ju bëhen atyre.
Kjo „seancë“ është udhëhequr nga Kryesuesja e Kuvendit këtij Kuvendi, Tringë Pira e cila ndër tjerash ka folur edhe për rëndësinë e ditës ndërkombëtare të fëmijëve. E gjatë kësaj seance të improvizuar edhe nxënësit e shkollës Dëshmorët e Vitisë, si dhe ata të shkollës Fillore ”Bafti Haxhiu” kanë paraqitur disa kërkesa për shkollat e tyre e që kanë marrë premtimin nga kryesuesja se ato do të merren parasysh brenda këtij viti./2L ONLINE/