Për herë të parë në Klinikën e Neurokirugjisë në QKUK kryhet operacioni i largimit të tumorit të hipofizës

Në kuadër të ngritjes së cilësisë së shërbimeve shëndetësore, falë angazhimit të Ministrisë së Shëndetësisë dhe menaxhmentit të Shërbimit Spitalor Klinik Universitar të Kosovës, në Klinikën e Neurokirugjisë në QKUK, për herë të parë është kryer operacioni i largimit të tumorit të hipofizës (gjëndra hormonale në tru), nëpërmjet rrugës nazale me qasje transfenoidale, njofton Shërbimi Spitalor Klinik Universitar i Kosovës.

Ekipi profesional i neurokirurgëve udhëhiqej nga Prof. Mentrol Petrela, i shoqëruar edhe nga neurokirurgët nga Kosova, të asistuar nga anesteziologë dhe ekipi përcjellës i Klinikë së Anesteziologjisë dhe Mjekimit Intensiv.

Operimi përfundoi me sukses, pacientja aktualisht është në gjendje stabile shëndetësore.

Ky sukses është arritur falë bashkëpunimit institucional ndërmjet Kosovës dhe Shqipërisë, e cili do të zgjerohet edhe më tutje. /2LONLINE/