(2L ONLINE) – Sindikata e Spitalit të Përgjithshëm në Gjilan, ka reaguar ndaj dënimit të Dr. Ilaz Poroshtica nga Gjykata Themelore ne Gjilan. Në këtë reagim thuhet se pas marrjes së lajmit për shpalljen e te akuzuarit Dn Ilaz Poroshtica si fajtor për veprën penale – trajtimi i pandërgjegjshëm mjekësor nga neni 260 paragrafi I të KPRK-ës, Kryesia e Sindikatës se Spitalit te Përgjithshëm në Gjilan, shprehim pakënaqësinë e saj të thellë lidhur me dhënien e këtij dënimi, sepse:
“Ne si Kryesi e Sindikatës së Spitalit të Përgjithshëm në Gjilan me kujdes të shtuar kemi analizuar provat e paraqitura nga Dr. Ilaz Poroshtica dhe Ekspertizën e bërë nga mjekët ligjor, prej të cilave me të drejtë konsiderojmë se Dr. Ilaz Poroshtica, si kirurg me përvojë të madhe në lëmin e kirurgjisë ka vepruar konformë protokolleve mjekësore të njohura ndërkombëtarisht gjë që e bënë të pafajshëm Dr lIlaz Poroshticën.
Aktgjykimet e tilla i bëjnë dëm të madh lëmisë së mjekësisë në përgjithësi sepse tani të gjithë mjekët do të kenë frikë ne ushtrimin e profesionit të tyre në bazë të protokolleve të punës të bazuara në evidenca e të cilat protokolle njohin edhe lëshimet eventuale të paqëllimta për dëmtimin e shëndetit të pacientit e që në këtë rast nuk është dëmtuar shëndeti i pacientes.
Ne si sindikatë e Spitalit të Përgjithshëm në Gjilan, fuqishëm e mbështesim anëtarin tonë Dr. Ilaz Poroshtica, sepse besojmë në pafajësinë e tij të plotë dhe e inkurajomë që të vazhdojë betejën ligjore deri në shpalljen e pafajësisë së tij.
Ne si sindikatë kërkojmë nga organet relevante që të ndërpriten tendencat të cilat e dëmtojnë imazhin e mjekësisë Kosovare, në të kundërtën do të marrim masa tjera të nevojshme për mbrojtjen e imazhit tonë, thuhet në fund të reagimit të Sindikatës së Spitalit të Përgjithshëm të Gjilanit. /2L ONLINE/