Pensionohet Zuhrije Rifati mësimdhënëse në SHFMU “Thimi Mitko”

Pensionohet mësimdhënësja Zuhrije Rifati, e cila me vite të tëra përkushtim dhe profesionalizëm i shërbeu arsimit dhe gjuhës shqipe.

Mësimdhënësja Zuhrije Rifati është përcjellë në pension me një ceremoni të organizuar nga kolektivi i ShFMU “Thimi Mitko” në Gjilan, që i ndau asaj një mirënjohje, duke e vlerësuar përkushtimin dhe angazhimin e saj në shërbim të arsimit.

Me këtë rast, ushtruesja e detyrës së drejtoreshës së shkollës, Ardhmërie Jakupi-Musliu, i uroi pensionim të mbarë, duke e vlerësuar lart rrugëtimin e saj profesional.

“Faleminderit për përkushtimin, sakrificën dhe kontributin e çmuar në arsim, veçanërisht në vitet e vështira të ’90-ta. Shëndet dhe lumturi në këtë kapitull të ri të jetës”, ka thënë U.d e drejtoreshës së shkollës, Ardhmërie Jakupi-Musliu

Përndryshe, në pllakatin e ndarë me këtë rast theksohet se mirënjohja i është dhënë mësimdhënëses Zuhrije Rifati: “Për kontributin shumëvjeçar në edukimin dhe arsimimin e shumë brezave”, me urimin që: “Pensionimi le të jetë një kohë e mbushur me kënaqësi dhe shije jete”.   /2LONLINE/