Pensionohet Zirafete Miftari

Në një aktivitet të organizuar nga QKMF “Nëna Terezë” në Viti dhe stafi i QMF Pozheran, është nderuar me mirënjohje znj. Zirafete Miftari, me rastin e pensionimit të saj pas 27 viteve pune dhe përkushtimi në sektorin e shëndetësisë.

Znj. Miftari, e cila ka shërbyer si punëtore teknike në QKMF-Viti, përkatësisht në Qendrën e Mjekësisë Familjare në Pozheran, u vlerësua për kontributin e saj të çmuar, korrektësinë dhe angazhimin e vazhdueshëm ndër vite.

Drejtoresha e QKMF-së, Vjollca Kadolli Halili, vlerësoi lart punën dhe përkushtimin e saj, duke theksuar rëndësinë e rolit që ka pasur në funksionimin e përditshëm të shërbimeve shëndetësore.

Në shenjë mirënjohjeje për kontributin e saj shumëvjeçar, mirënjohja institucionale ju dorëzua nga drejtoresha e QKMF-së, Vjollca Kadolli Halili, në emër të kryetarit të Komunës së Vitisë, Sokol Haliti.

Nga ana e saj, znj. Zirafete Miftari falënderoj institucionet dhe kolegët për bashkëpunimin dhe respektin e treguar ndër vite.

Në fund, asaj ata i uruan shëndet, mbarësi dhe një pensionim i qetë.  /2LONLINE/