Pensionohet gjyqtari i Gjykatës së Apelit, Zyhdi Haziri

Pas një përvoje pune prej njëzetepesë (25) vjetësh në gjyqësor, gjyqtari i Gjykatës së Apelit, Zyhdi Haziri ka arritur moshën e pensionimit.

Në mbledhjen e kolegjiumit të gjyqtarëve, kryetari i Gjykatës së Apelit Valon Totaj, ka ndarë mirënjohje falënderimi për gjyqtarin Haziri.

Me këtë rast, kryetari Totaj ka falënderuar gjyqtarin Haziri për kontributin e dhënë në sistemin e drejtësisë në vend, duke i uruar shëndet dhe mbarësi në jetë.

Gjyqtari Zyhdi Haziri, është bërë pjesë e Gjykatës së Apelit më 1 janar 2021 dhe ka ushtruar funksionin në Departamentin e Përgjithshëm-Divizioni Penal, njofton Gjykata e Apelit e Kosovës. /2LONLINE/