Pensionohet drejtori i SHFMU “Fan S. Noli”, Mustafa Rrudhani

Pas më shumë se 15 viteve në krye të Shkollës Fillore të Mesme të Ulët “Fan S. Noli”, drejtori Mustafa Rrudhani është pensionuar, duke përmbyllur kështu një kapitull të rëndësishëm të kontributit të tij në arsim.

Me këtë rast, Kryetari i Komunës së Kamenicës, Kadri Rahimaj, së bashku me Drejtorin e Arsimit, Afrim Dervishi, kanë vizituar shkollën për t’i shprehur falënderimet e tyre për përkushtimin dhe profesionalizmin e Rrudhanit gjatë gjithë këtyre viteve.

Ata vlerësuan lart rolin e tij si drejtues dhe mësimdhënës, duke theksuar se shumë breza nxënësish janë edukuar nën udhëheqjen dhe mësimet e tij.

Kryetari Rahimaj dhe drejtori Dervishi i uruan pension duke i dëshiruar shëndet e qetësi pranë familjes dhe të afërmve të tij, duke e falënderuar për kontributin e çmuar në zhvillimin e arsimit në komunë.

Edhe kolegët e familjarë të pranishëm në pensionimin e tij, i shprehën mirënjohje për punën e tij shumëvjeçare.  /2LONLINE/