Pensionohen mësimdhënësit Ramiz Hasani dhe Adile Halimi Sahiti
Kryetari i Komunës së Vitisë, Sokol Haliti, së bashku me drejtoreshën e Arsimit, Arta Ajeti dhe bashkëpunëtorë, pritën në takim mësimdhënësit Ramiz Hasani dhe Adile Halimi Sahiti, të cilët kanë përfunduar karrierën e tyre profesionale në arsim me pensionim.
Gjatë takimit u vlerësua lart kontributi shumëvjeçar i tyre në arsimin e komunës. Kryetari Haliti, duke i uruar pensionimin, I ka falënderuar për përkushtimin dhe punën e palodhshme, duke theksuar se kanë lënë gjurmë të qëndrueshme në formimin e shumë gjeneratave të nxënësve.
Edhe drejtoresha e Arsimit, Arta Ajeti, shprehu mirënjohje për rolin e tyre në ngritjen e cilësisë së procesit edukativo-arsimor në Viti. Në shenjë respekti, kryetari Haliti u ndau nga një mirënjohje.
Adile Halimi Sahiti pensionohet pas 35 vitesh punë si mësimdhënëse klasore në fshatin Smirë, ndërsa Ramiz Hasani pas 33 vitesh kontribut si mësimdhënës i artit figurativ në shkollën e fshatit Kabash. /2LONLINE/