Penalltia e realizuar nga Krasniqi i solli Dritës fitore dhe tri pikë të reja

Drita ka shënuar fitore minimale, por të vlefshme ndaj Llapit, në ndeshjen e javës së 12-të të Superligës së Kosovës në Futboll.

Goli i vetëm i realizuar nga Besnik Krasniqi nga pika e bardhë (minuta 33′) i solli Dritës tri pikë të reja.

Kujtojmë se pikërisht ky lojtar u ndëshkua me të kuq (minuta e 76’) dhe më shumë se 15 minuta, Drita luajti me një lojtar më pak, por ia arriti me sukses ta ruaj rezultatin.

Kështu skuadra gjilanase, kampionia aktuale e Superligës, dalëngadalë po ngjitet kah kreu i tabelës së klasifikimit, momentalisht radhitet në pozitën e tretë me 20 pikë, tri më pakë se Ballkani që është i dyti dhe gjashtë më pak se Prishtina që kryeson tabelën.  /2LONLINE/