PDK ngushëllon familjen Isufi

Telegram Ngushëllimi

E nderuar familje Isufi,

Lajmi për ndarjen e parakohshme dhe të papritur nga jeta të më të dashurit tuaj, Bajram Isufi, ishte një goditje e rëndë dhe dhimbje e madhe për familjen, miqtë, si dhe për të gjithë ata që patën fatin ta njohin nga afër.

Në këto momente të rënda, Partia Demokratike e Kosovës dega në Gjilan, shpreh ngushëllimet më të sinqerta dhe ndan dhimbjen e thellë me familjen Isufi.

Bajram Isufi do të kujtohet gjithmonë me respekt të veçantë si ish-koleg dhe bashkëpunëtor i palodhur ndër vite. Ai la gjurmë të pashlyeshme me kontributin e tij të çmuar në strukturat e PDK-së, në institucionet komunale dhe në ndërmarrjet publike të Gjilanit.

Ai ndoqi me nder traditën e lavdishme të familjes së patriotit Idriz Seferi, duke i shërbyer atdheut me përkushtim në çdo periudhë.

Humbja e tij është e madhe jo vetëm për familjen, por edhe për të gjithë komunitetin tonë.

I lehtë qoftë dheu i tokës së Kosovës.

Lamtumirë, Bajram!

PDK – Dega Gjilan