PDK: Komuna e Gjilanit nuk po e zbaton ligjin për transparencë dhe po vazhdon me fshehje të raporteve, vendimeve dhe dokumenteve zyrtare

“Komuna e Gjilanit nuk po e zbaton ligjin për transparencë dhe po vazhdon me fshehje të raporteve, vendimeve dhe dokumenteve zyrtare”, thuhet në një komunikatë të PDK-së së Gjilanit.

Ja komunikata e plotë:

Komuna e Gjilanit nuk po e zbaton ligjin për transparencë dhe po vazhdon me fshehje të raporteve, vendimeve dhe dokumenteve zyrtare.

Agjensioni për Informim dhe Privatësi e detyroi kryetarin e komunës së Gjilanit Alban Hyseni për t’i ofruar PDK-së raportet dhe dokumentet e kërkuara përmes postës elektronike të adresuara me 11 mars 2024.

Pra, pas 160 ditëve PDK mori përgjigjet lidhur me çështjet që kanë të bëjnë me punën e kryetarit të komunës së Gjilanit, e kjo flet më së miri se sa ka transparencë qeverisja komunale e udhëhequr nga një organizatë e dështuar, prandaj komuna e Gjilanit sipas raporteve të ndryshme është vlerësuar e fundit për transparencë. Në Kuvendin Komunal kjo qeverisje nuk raporton fare, nuk i përgjigjet pyetjeve të asambleistëve, nuk i përgjigjet kërkesave zyrtare përmes postës elektronike, pra këta duan terr informativ për qytetarin e Gjilanit.

Keqpërdorimet e vazhdueshme me buxhetin komunal janë arsyet kryesore që kjo qeverisje komunale nuk e zbaton ligjin dhe nuk i publikon raportet dhe vendimet e kryetarit të komunës.

Për përmbajtjen e përgjigjeve që i kemi pranuar me shkrim nga zyra e kryetarit dhe institucionet tjera do të publikohen së shpejti ditëve në vijim, në mënyrë që të informohet publiku për të gjitha ato dukuri negative dhe dështimet e jashtëzakonshme të kësaj organizate që po keqpërdor gjithçka që po i vjen mundësia. /2LONLINE/