PDK-ja qendrore i jep përkrahje Riad Rashitit kandidatit për kryetar të komunës së Gjilanit

Në Partinë Demokratike të Kosovës (PDK) thonë se janë duke u mobilizuar fuqishëm për zgjedhjet e 12 tetorit në Gjilan, me kandidatin e saj për kryetar komune, Riad Rashitin.

“Figura të larta të PDK-së Vlora Çitaku, Arben Mustafa, Përparim Gruda dhe Abelard Tahiri i kanë dhënë mbështetje të plotë kandidaturës së tij, duke theksuar se qytetarët e Gjilanit meritojnë një drejtim të ri”.

Sekretarja e PDK-së znj.Vlora Çitaku, u shpreh e bindur se më 12 tetor qytetarët do të zgjedhin ndryshimin:

“Riad Rashiti do të jetë kryetari i ardhshëm që do t’i sjellë Gjilanit një valë të re zhvillimi dhe besimi”, tha ajo.

Kandidati i PDK-së për kryetar komune, Riad Rashiti, theksoi përkushtimin e tij për një qeverisje efikase, transparente dhe në shërbim të qytetarëve.

Përndryshe, edhe kjo parafushatë po zhvillohet nën moton “Na duhesh edhe ti”, duke ftuar qytetarët të bëhen pjesë e vizionit të ri për Gjilanin, ndërkohë që kujtojmë se zgjedhjet lokale janë paraparë të mbahen më 12 tetor.  /2LONLINE/