PDK-ja e Gjilanit: Mbështetja e veteranëve tanë sot ishte e jashtëzakonshme!

Partia Demokratike e Kosovës (PDK), Dega në Gjilan, ka vazhduar sot aktivitetet e saj në kuadër të fushatës për zgjedhjet e 7 Qershorit me këtë rast drejtuesit e saj thanë se mbështetja e veteranëve ishte e jashtëzakonshme dhe se energjia e tyre u jep forcë dhe i obligon të vazhdojnë përpara drejt fitores.

“Një pasdite plot emocione, ku kujtimet e lavdisë u bënë bashkë me besimin për të ardhmen. Në këtë bashkëbisedim të ngrohtë, të pranishmëve iu drejtua me një fjalë rasti kryetari i degës, Riad Rashiti. Takimin e nderuan me pjesëmarrjen e tyre edhe dy gjeneralët tanë, Rahman Rama e Rrustem Mustafa, si dhe kandidatët tanë Arben Mustafa, Nderim Mustafa dhe kandidatët e tjerë të Anamoravës”, thuhet në njoftimin e PDK-së.

Drejtuesit e saj thanë se” “Mbështetja e veteranëve tanë sot ishte e jashtëzakonshme! Energjia e tyre na jep forcë dhe na obligon të vazhdojmë përpara drejt fitoreve të reja. Faleminderit nga zemra për mikpritjen dhe përkrahjen e palëkundur! Vazhdojmë bashkë, më të fortë se kurrë për t’i dhënë vendit drejtimin e duhur”.