PDK, Gjilan: Forca, uniteti dhe energjia jonë janë të pandalshme

“Si gjithmonë, bastioni i PDK-së, nëndega e lagjes Arbëria, është krejtësisht e mobilizuar dhe me zemër plot për tubimin tonë qendror që do të mbahet nesër”, thuhet në njoftimin e PDK-së së Gjilanit.

Ky subjekt, tubimin qendror do ta mbajë, të martën te “Parku i Dardanisë”, me fillim prej orës 18:30.

“Ashtu siç kemi dëshmuar në çdo hap të rrugëtimit tonë, forca, uniteti dhe energjia jonë janë të pandalshme.  Ky nuk është thjesht një tubim, por një dëshmi e bashkimit dhe e besimit të palëkundur në rrugën dhe vizionin tonë të përbashkët”, thuhet në njoftim.

Përndryshe, edhe në mbledhjen e shtabit të PDK-së, që drejtohet nga Izmi Zeka, shef i Shtabit, u tha se po bëhen përgatitje intensive  për tubimin e nesërm!

“Një energji e jashtëzakonshme dhe vullnet i madh nga të gjithë për të siguruar një organizim madhështor”, u tha pas këtij takimi.