PDK: Edhe të rinjtë po pësojnë nga krizat e vazhdueshme politike prandaj ndryshimi është i domosdoshëm

“Në vazhdën e takimeve mobilizuese për zgjedhjet nacionale të qershorit, kryetari i degës, Riad Rashiti, së bashku me shefin e shtabit zgjedhor, Izmi Zeka dhe kryetarin e Rinisë Demokratike, Qëndrim Qerimi, takuan të rinjtë e qytetit për të bashkëbiseduar për sfidat, brengat e pritshmëritë e tyre për të ardhmen”, thuhet në njoftimin e Partisë Demokratike të Kosovës (PDK), dega në Gjilan, transmeton 2LONLINE..

Sipas drejtuesve të këtij subjekti politik edhe të rinjtë po pësojnë nga krizat e vazhdueshme politike, prandaj ndryshimi duhet të ndodh.

Duke iu referuar zgjedhjeve të parakohshme të 7 qershorit, PDK e Gjilanit vlerëson se ndryshimi i nevojshëm do të ndodh vetëm me liderin e tyre Bedri Hamzën si kryeministër, ndërkohë që të nevojshme e vlerësojnë edhe përfaqësimin në Kuvendin e Kosovës, edhe  e Arben Mustafën, i cili poashtu garon për deputet, në zgjedhjet në fjalë. /2LONLINE/