PDK: Dardania mbështet fuqishëm Dekaden e Re

Në vazhdën e mbajtjes së kuvendeve zgjedhore të Rinisë Demokratike të Kosovës, në lagjen Dardania, nëndega e tetë e RDK-së mbajti kuvendin e saj zgjedhor, me këtë rast zgjodhi organet drejtuese, kryesinë e re, kryetaren dhe delegatët për kuvendin qendror të degës.

“Me një pjesëmarrje të madhe të të rinjve, djem dhe vajza nga kjo lagje dhe nën monitorimin nga dega e qendra, u zhvillua një proces i mire dhe fer. Për udhëheqjen e Rinisë Demokratike të Kosovës në katër vitet e ardhshme, të rinjtë e Dardanisë këtë detyrë ja besuan kampiones së shumëfishtë të Kosovës në karate Ariana Byqmeti, ka bërë të ditur Komisioni për Organizimin e Zgjedhjeve të RDK-së, në Gjilan.

Ndërkaq, Kuvendin zgjedhor të Rinisë Demokratike të Kosovës, këto ditë e  ka mbajtur edhe nëndega e 22 e “Zabelit…”.

Në nëndegën 22 të RDK-së, të lagjes “Zabeli…”, kryetar është zgjedhur, Leutrim Jakupi.