Pastrohet nga mbeturinat dhe rregullohet hapësira në Moqare

Drejtoria për Shërbime Publike, Ambient, Inspektorat dhe Emergjenca në Komunën e Kamenicës, bënë me dije se pas daljes në terren në fshatin Moqare ka realizuar pastrimin  nga mbeturinat dhe rregullimin e kësaj hapësire në këtë zonë.

Pas këtij angazhimi, Drejtoria u bën thirrje të gjithë qytetarëve që të mos hedhin mbeturina afër lumit pasi një veprim i tillë dëmton mjedisin dhe ndikon negativisht në cilësinë e jetës në atë zonë.

“Po ashtu ju njoftojmë se kjo hapësirë është nën mbikëqyrjen e kamerave dhe çdo rast i evidentuar i hedhjes së mbeturinave do të ndëshkohet me gjobë në përputhje me legjislacionin në fuqi”, thuhet në njoftimin e kësaj drejtorie. /2LONLINE/