Pastrohet Liqeni i Livoçit, kryetari Hyseni: Së shpejti vendosen dritat dhe kamerat

Komuna e Gjilanit, ka organizuar një aksion për pastrimin e Liqenit të Livoçit, ku ishte i pranishëm edhe kryetari Alban Hyseni, drejtorë, zyrtarë komunalë e qytetarë.

Kryetari i Komunës së Gjilanit  Alban Hyseni, tha se pas pastrimit, Liqeni i Livoçit, tani me pamje dinjitoze.

Ai falënderoi qytetarët dhe aktivistët që i‘u bashkuan në pastrimin e liqenit.

“Së shpejti do të vendosen dritat dhe kamerat, për ta mbrojtur këtë bukuri natyrore. Qytetarë të dashur, ta mbajmë bashkë të pastër Liqenin – këtë pasuri tonën”, tha kryetari Alban Hyseni.