Pas stuhisë, Komuna e Vitisë u bën thirrje qytetarëve të raportojnë dëmet

Komuna e Vitisë njofton të gjithë qytetarët që kanë pësuar dëme si pasojë e stuhisë së fundit se, me vendim të Kryetarit të Komunës, është funksionalizuar Komisioni për Vlerësimin e Dëmeve nga Fatkeqësitë Natyrore, i cili do të bëjë evidentimin dhe vlerësimin e dëmeve në terren.

Ftohen të gjithë qytetarët, ekonomitë familjare, bizneset dhe subjektet e tjera që kanë pësuar dëme në shtëpi, objekte përcjellëse, prodhime bujqësore apo prona të tjera, që sa më parë të paraqesin rastet e tyre, në mënyrë që komisioni të dalë në terren dhe të kryejë vlerësimin sipas procedurave ligjore.

Për paraqitjen e dëmeve dhe informata shtesë, qytetarët mund të kontaktojnë anëtarët e komisionit në këta numra të telefonit:

* Mustafë Islami – 044 616 098

* Xhelal Musa – 045 805 511

* Avni Misini – 044 249 910

Komuna e Vitisë mbetet e përkushtuar që procesi i evidentimit dhe vlerësimit të dëmeve të zhvillohet në mënyrë profesionale, transparente dhe sa më efikase, me qëllim që të krijohen kushtet për ndërmarrjen e hapave të mëtejmë institucional, thuhet në njoftim. /2LONLINE/