Pas raportimeve për hedhjen e mbeturinave intervenon NPL “Tregu” duke pastruar hapësirat e degraduara

“Pas njoftimit nga qytetarët se në këtë pjesë ka filluar hedhja e mbeturinave, ekipet e Departamentit të Hapësirave Publike të NPL “Tregu” Sh.A kanë intervenuar në terren, në zonën jashtë varrezave të qytetit dhe në hyrjet kryesore të këtij lokacioni”, thuhet në njoftimin e kësaj ndërmarrjeje.

Sipas drejtuesve të kësaj Ndërmarrjes Publike Lokale Tregu, ky aktivitet është pjesë e angazhimit të tyre të përditshëm për mirëmbajtjen e hapësirave publike dhe respektimin e vendeve me rëndësi të veçantë për komunitetin.

“Ftojmë qytetarët që të kontribuojnë në ruajtjen e pastërtisë, duke mos hedhur mbeturina në vende të papërshtatshme dhe duke treguar kujdes ndaj mjedisit të përbashkët”, thuhet në fund të njoftimit të NPL “ Tregu”, Gjilan. /2LONLINE/