Pas heqjes së termit gjenocid, Qeveria pranon draft-ligjin për Specialen

Kryeministri i Kosovës, Isa Mustafa ka thënë në mbledhjen e Qeverise se kanë aprovuar ndryshimet në Kushtetutën e Kosovës për t’i hapur rrugë votimit të Speciales në Kuvend. “Ne kemi aprovuar si qeveri ndryshimet në Kushtetutën e Kosovës. Ligji për dhomat e veçanta është si rrjedhoje e letërkëmbimit të Presidentes me baroneshën Eshton gjatë vitit të kaluar. As ndryshimet kushtetuese as ky ligj nuk ka të bëjë fare me kontestimin e luftës së UÇK-së”, ka thënë Mustafa raporton Indeksonline.

Ndërsa zëvendëskryeministri i Kosovës Hashim Thaçi ka thënë se pas heqjes së termit gjenocid qeveria pranon draft ligjin.

“Pas tërheqjes së termit gjenocid, ne si qeveri e pranojmë këtë informatë. Duke marrë parasysh kultivimin e raporteve tona me BE-në dhe SHBA-të, mendoj se tërheqja e termit gjenocid, dhe gatishmëria e themelimit të kësaj gjykate, mendoj se ky projektligj e lehtëson punën për votim nga ana e deputetëve”, ka thënë Thaçi.

Kabineti njëzëri ka votuar projekt ligjin që i dërgohet Kuvendit për ta votuar.

http://www.indeksonline.net/?FaqeID=2&LajmID=167145