Partia FJALA: Dënojmë sulmin që ndodhi në Xhaminë e fshatit Velekincë të Gjilanit

/2L ONLINE/ – Dënojmë sulmin që ndodhi në Xhaminë e fshatit  Velekincë  të Gjilanit. Sulmet mbi objektet fetare qofshin Xhamia apo Kisha janë të papranuara për shoqërinë tonë kosovare e cila  shquhet për bashkëjetesë dhe tolerancë të shkëlqyer ndërfetare. Njëherit kërkojmë nga organet e drejtësisë që të veprojnë konform ligjit dhe sulmuesi të merr dënimin e merituar, thuhet nereagimin e Partise Fjala.

Përndryshe, lidhur me rastin Polcia e Kosovës ka bërë të ditur se i dyshuari mashkull K/Serbë është arrestuar pasi qe kishte filluar ta rrënoj një pjesë të minares së Xhamisë nga lart-poshtë. Njësitet policore kanë shkuar ne vendin e ngjarjes si dhe zjarrfikësit dhe ndihma e parë. Rreth një orë është negociuar me te dyshuarin i cili nuk ka përfillur urdhrat e policisë dhe ka vazhduar me rrënimin e minares, derisa ka shkuar Njësiti i reagimit të shpejtë i cili ka arrestuar të dyshuarin i cili me urdhër te prokurorit i njëjti dërgohet ne mbajtje 48 orë./2L ONLINE/